Elinkaara
Jukka Silokunnas: Elinkaara | 2011 | pištem 01:20 | S
Tyeje pirrâ: Elinkaara lii still-kuvijguin animistum videotyeji, mon vuolgâsaijeen láá tieđâliih dokumenteh mieskee ellein. Tyeji lii kovvejum taidâr šoddâmpääihi šiljoost. Taaidâr finnij eennâmluvvee auto 17-ihásâžžân skeŋkkân ejistis.
Taidâr valdâlem tyejeest: Oovtâ ulmuu luoddâ lii ucce, mutâ ääigi mield keđgi-uv nuhâškuát, ko siämmáá saajeest vázzá tuárvi maŋgii. Smietâm ulmuu máhđulâšvuođâ uáiniđ jieijâs eellim ääigi jieijâs pirrâ tábáhtuvvee nubástus. Auto eennâmluuččij kuásnii luándun, mutâ jiem kiergâničij jieččân eellimääigi uáiniđ ton lappum. Mun algim jo ovdil taam fiilmâ kuvviđ siämmáálágán tuojijd, moin luándulâš eennâmlume proosees tahhoo animaatioin moosnii ‘epiluándulii’ tiiŋgân. Rähtim ääigi smiettim jieččân rooli taan pirrâsist, kost olmooš puáhtá rähtiđ luándulijn materialijn maidnii mii ij kuulâ luándun. Tyeji addel máhđulâšvuođâ smiettâđ, mon ennuv äigi luándust kolá peessâđ iärun ulmui luodâin.
Taaiđâ addel love sierâdiđ, sierâttáá ij lah mihheen.
Savâstâllâm toorjân: Elinkaara-tyeji kovvee humoristlávt auto eellimkiärdu. Auto pieđgân já láppoo čoolmij oovdâst aaibâs tegu mieskee heeđâlm.
Puáhtá-uv auto pieđgâniđ já eennâmluđ jiešalnees?
Maggaar auto eellimkiärdu tuođâi lii?
P.S. Elinkaara-tyeje pyevtitmân puáhtá uápásmiđ keččâmáin YouTubest video Näin tehtiin Elinkaara.
Proojeekt: Jotelist hiđes
Govvejehket muhtin johtilis dáhpáhusa ja njoahcudehket video. Maid áššiid njoahcudeapmi buktá oidnosii, maid dábálaš leavttuin ii geargan oaidnit ja áicat?
Proojeekt: Timelapse
Timelapse-tekniikáin puáhtá jođálmittiđ hiđes tábáhtusâid, vâi toid lii älkkeb aiccâđ. Timelapse-kuvvimist kamera stellejuvvoo kuhes ááigán väldiđ čuovâkove tiätu ääigi kooskâi. Timelapse-videoh ráhtojeh távjá ovdâmerkkân luándualmonijn (piäiváá pajanem, poolvâi lihâdem) tâi mieskâmist (oomeen mieskâm). Kuvvimkooskâ kukkodâh miäruštâlloo kuvvimčuosâttuvâst tábáhtuvvee nubástus jotteelvuođâst. Jis haalijd uáiniđ oomeen mieskâmin jođálmittum liävttoin, kalga stelliđ kamera väldiđ veikkâba oovtâ kove tiijmest oovtâ oho ääigi. Ko valdum čuovâkuuvijd kiäččá maŋaluvâi videon, uážžu mielâkove jođálmittum tábáhtusâst!
Magarijd hiđes tábáhtusâid tun puávtáččih vuorkkiđ timelapse-kuvviimáin? Maid aašijd timelapse-kuvviimáin puáhtá pyehtiđ oovdân, maid ij mudoi huámmáš?
Rähtiđ jieijâd timelapse-video!
Maŋgáid moobiilpiergâsáid láá finnimnáál ohjelmeh, moiguin puáhtá rähtiđ timelapse-videoid. Ohjelmijn puáhtá asâttiđ kuuvij väldimân taggaar äigikooskâ ko haalijd já keččâđ valmâš fiilmâ kuuvij väldim maŋa. Tij pyehtivetteđ uuccâđ vuovâs ohjelmijd ovdâmerkkân uuccâmsaanijn “timelapse”. Timelapse-kuvvim puáhtá porgâđ meiddei táválijn kamerain, kuás puáhtá čuávvuđ ääigi tiijmest já väldiđ kove veikkâba 10 seekunt kooskâi. Loppâpuáttus puáhtá keččâđ njuolgist kamera čááitust lađâmáin kuuvijd jotelávt. Kuuvijd puáhtá rähtiđ videon tiäturij editistemohjelmijguin, jis lii tárbu.
Huám! Olmâ kuvvimkooskâ kukkodâh miärášuvá kuvvimčuosâttuv liihâdmist já kávnoo keččâlmáin. Kamera ij kannat lihâttiđ kuvvim ääigi, nuuvt ete stellii tom stäđis vuolluu oolâ tâi steligân!
