Masa
Anssi Kasitonni: Masa | 2009 | pešttmõš 10:49 | S
Tuejjõõzzâst: Čeäppneeʹǩǩ kovvummuš tuejjõõzzâst: Tuuʹrmest čõʹǩǩeem-maainâs, kååʹtt õhttad animaatio, ǩiõttkuuhlažčuäjtõõzz da čuäjtõõlituâi. Palddlõõžži maaiʹlm da mettkääʹv trooʹpne, ko frijjvuõđ kaiʹbbjeei Masa-marsu da tän vuäʹmsteei čõõđte jiiʹjjez plaaʹnid. Tekneld samai čeäppõs da kreevsõs marsu valmštââll jiiʹjjes pieʹzzest mäŋggpuõlvvsa troopnâmplaaʹnid, kook årste pâi marsu vuäʹmsteei räʹǩsteei peâmmvuõđ reäiʹjteʹmes seinna. Jieʹllikartt âânn seʹst jeäʹrbi mieʹldd liâdǥla spesiaalgadgeeʹttid, varddraajjmõõžž leʹbe bodaus, Steve McQueen da marsuǩiõllsa monoloogid.
Projeʹktt: Jiiʹjjes fiktiivlaž vuänkõsjieʹllikartt
Ǩiõčč Anssi Kasitonni jieʹllikartt Masa. Smeâtt, mâʹst jieʹllikartt maainast. Mii lij tõn saakk da måkkam tobddmõõžžid tõt cåunn? Ǩiõčč jieʹllikaart oʹđđest da analysâstt, mäʹhtt tuejjõõzz jiõn lie rajjum. Kulddâl, måkkam vueʹzzin jiõnnjuõnn nårrai. Mäʹhtt jiõn lie čuõppum?
Jõs haaʹlääk, vuäitak taʹrǩstõõllâd še jieʹllikaart jeeʹres mainstummuž taaʹzzid. Mäʹhtt maainâs lij ǩiõttǩeerjtum? Mäʹhtt tõt lij snimmum? Måkkam karttkuuʹlm da karttrajjõõzz ââʹnet? Mäʹhtt kartt lij čuõppum? Puk mainstummuž taaʹzzid ij vueiʹt analysâʹstted seämma ääiʹj, leʹbe lij šiõǥǥ väʹldded taʹrǩstõõllâm vuâlla õõut ääʹšš vuârstes. Jieʹllikaart jeeʹres vueʹssraaji analysâsttmõš lij õhtt pueʹrmõs naaʹlin mättjed jieʹllikaart raajjmõõžž! Mâŋŋa vuäitak plaanškueʹtted jiiʹjjes fiktiivlaž jieʹllikaart.
