Anssi Kasitonni: Masa (2009)

Anssi Kasitonni: Masa | 2009 | guhkkodat 10:49 | S

Duoji birra: Dáiddára válddahallan duoji birra: Giddagasbáhtaranmáinnas, mii ovttastahttá animašuvnna, giehtadohkkáčájáhallama ja neavttárbarggu. Bálddalas máilmmit ja skálát beaškkehit oktii, go friddjavuođa áibbašeaddji Masa-márspiidni ja dan oamasteaddji ollašuhttiba iežaska plánaid. Teknihkalaččat heahkastuhtti čeahpes ja kreatiivvalaš márspiidni válmmaštallá iežas biejus moalkás báhtaranplánaid, maid márspiinni oamasteaddji ráhkisteaddji fuolaheapmi álo dahká duššin. Ealligovva sisttisdoallá earret eará elektrovnnalaš spesiálabiergasiid, dehkiid stuorideami, Steve McQueena ja márspiidnegielat monologaid.

Prošeakta: Iežat fiktiivvalaš oanehisfilbma

Geahča Anssi Kasitonni filmma Masa. Smiehta, mas filbma muitala. Maid dat orru dadjamin ja makkár dovdduid dat boktá? Geahča filmma ođđasit ja analysere, mo duoji jienat leat dahkkojuvvon. Guldal, makkár elemeanttain jietnabáddi hápmašuvvá. Mo jienat leat čuhppojuvvon?

Don sáhtát seassat maiddái filmma eará muitaleami dásiid juos háliidat. Mo máinnas lea čállojuvvon? Mo dat lea govvejuvvon? Makkár perspektiivvaid ja govvaráddjemiid das geavahit? Mo govva lea čuhppojuvvon? Buot muitaleami dásiid ii sáhte analyseret ovtta áiggi, nu ahte gánneha váldit ovtta ášši hávil seassanláhkái. Ealligova iešguđet oassedahkkiid analyseren lea okta buoremus vugiin oahppat ealligova dahkama! Dasto sáhtát plánegoahtit iežat fiktiivvalaš ealligova.