Punahilkka ja Susi
Minna Suoniemi: Ruõʹppsespeeiǥaž da pââʹldes | 2012 | pešttmõš 01:33 | Ǩ7
Tuejjõõzzâst: Čeäppneeʹǩǩ kovvummuš tuejjõõzzâst: Čappiid teâvõttum uʹcc niõđâž čueǯǯ mieʹcc rääʹjest da rååkk. Meälǥummuš raajj jiõnâst jõnn jieʹlli mourrmõõžž. Niõʹđin vuõinnlâʹtte Punahilkka ja susi.Tuejjõs lij snimmum õõutin välddõõzzin da karttrajjõõzzin. Jiõnn lij ruõkkum seämma õhttvuõđâst, leša tõt lij mâʹŋŋlest editõsttum teâttmašinain meälǥsen da kuõrmmsen. Šâdd miõllkartt, što niõʹđest lij mii-ne tuõđi luâttõvvum da näuʹddnallšem – leʹbe mii-ne, mâʹst šâdd jõnn täʹšǩǩ.
Projeʹktt: Čuäjtõs sniimmâm-mašinaaʹje
Raajj vuäʹniǩ tuejjõs, mâʹst sniimmâm-mašina pââšš pääiʹǩstes. Tuejjõs vuäitt leeʹd pâi õhtt snimldõkvälddõs, kuäʹss snimldõõǥǥ ij taarbâž čuõppâd ni voops. Õhttâd snimldõʹǩǩe jiõn. Tät tuejjõs ooʹnnast tåʹlǩ videosniimmâm-mašinain (leʹbe ǩiõʹtt-teeʹlin), jõs raajak jiõnid snimldõʹǩǩe juʹn sniimmâmpooddâst
Tuejjõõzzâst vuäǯǯak kuuitâǥ jäänab ääuʹǩ, jõs vueiʹtet ââʹnned teâttmašina da õhtteed jiõnid snimldõʹǩǩe mâʹŋŋlest. Jõnn vueʹss jiõnin tueʹjjeet liikkeei kaʹrtte mâʹŋŋlest. Täujja pâi vuârrsääʹn leântteet sniimmâmpooddâst da jeeʹres jiõnid piijât kaʹrtte mâʹŋŋlest.
Jiõnid vuäitt leântteed mâʹŋŋlest sniimmâm-mašina siiskâž mikrofoonin da puʹhtted teâttõõzzid teâttmašinaaʹje kaartʼtää. Jõs tuʹst lij ââʹnnemnalla sniimmâm-mašinaaʹje šiõttlõs åålǥlaš mikrofoon, ââʹn tõn. Täʹl jiõn kvaliteeʹtt lij täujja pueʹrab.
Jiõn käuʹnnje še teâttmašina jiõnnǩeʹrjjpõõrtâst. Joorat čõõđ tõn taʹrjjääm nuʹbbnallšem määinid leʹbe ooʒʒ däära jiõnnefeeʹktid ouddmiârkkân seeiʹdast https://freesound.org/people/YleArkisto/ Vuäitak ooccâd jiõnid še neeʹttest ââʹneeʹl håʹt ooccâmsaaʹnid “jiõnnefeeʹkt däära”. Eŋgglõsǩiõllsa ooccâmsaaʹnivuiʹm (”sound effects”) vuäǯǯak jäänab nuʹbbnallšem määinid ǥu sääʹmǩiõllsain. Jõs lââʹzztak ooccmõʹšše saaʹnid “royalty free”, käunnʼje raajjivuõiggâdvuõđin friij jiõn. Hoʹhss! Tuejjõõzzi čuäʹjtummuž škooulâst meäʹrree raajjivuõiggâdvuõđ. Lââʹzzteâđ škooulmaaiʹlm kuõskki raajjivuõiggâdvuõđin vuäǯǯ seeidast www.kopiraitti.fi.
