Marja Helander: Dolastallat / Tulistella (2016)

Davvisámegillii / pohjoissaame Tämä paketti on saatavilla myös inarinsaameksi ja koltansaameksi

Mediadáidda sámegillii – Buresboahtin!

Mediataide kasvattaa! lea suopmelaš mediadáidaga guovddáža AV-arkki bajásdoallin media- ja dáiddabajásgeassima oahppamateriálaid buvttadeaddji ja fáladeaddji neahttabálvalus. Dat dahká vejolažžan ávkkástallat Suomas bargi njunušdáiddáriid dujiiguin ja daidda plánejuvvon oahppamateriálaiguin oahpahusa oassin. Bálvalus lea nuvttá iige gáibit sierra sisačáliheami.

Mediadáidda sámegillii -oahpahuspakeahtta lea buvttaduvvon ovttasbarggus sámedikkiin. 

Dat sisttisdoallá guhtta iešguđetge ahkásaččaide čujuhuvvon mediadáiddaduoji ja dáidda laktáseaddji hárjehusaid. Dujiid ahkerájit leat merkejuvvon juohke duoji oktavuhtii. 

Dujiid bokte beassat oahpásnuvvat mediadáidagiin ovdamearkka dihte suokkardallamiin, mo iešguđetlágan jienat, govvaráddjemat dahje filbmaduoji teknihkat váikkuhit dujiid muitalusaide ja temáide. Dujiin atnet earret eará animašuvnna, iešguđetlágan muitalanvugiid teknihkaid ja govaid nuppástuhttima. Mediadáidda sáhttá govvidit máilmmi, albmonemiid ja olbmuid vuordemeahttun vugiiguin, ja dan bokte sáhttá seassat áššiid iešguđetge perspektiivvain.

Oahppamateriálaid duojit movttiidahttet jurdagiid ja vásáhusaid juogadeapmái sihke iežas dáiddalaš olggosbuktimii. Dat bohciidahttet ságastallama ja lasihit nuoraid áddejumi váldorávnnji filbmamuitaleamis spiehkasteaddji vugiin muitalit dán máilmmi birra. Mediadáidda dahká máŋggalágan dulkojumiid vejolažžan, ii leat dušše okta rivttes vuohki. Oahppamateriála doaibmáge muttágit govvadáiddaoahpahusa oassin, muhto maiddái máŋggabealat lohkanmáhtu ja kritihkalaš medialohkandáiddu doarjjan eará ávdnasiin ja máŋggasuorggat oahppoollesvuođain.

Oahpaheaddji gánneha ain geahččat dujiid ovddalgihtii sihke oahpásnuvvat daidda plánejuvvon hárjehusaide ja smiehttat iežas jovkui buoremus vuogi geavahit oahppamateriála.

Gii sáhttá geavahit bálvalusa?

Mediataide kasvattaa lea oaivvilduvvon ovda- ja vuolleskuvlaahkásaččaid sihke badjeskuvlaahkásaččaid dáidda- ja mediabajásgeassimii Suomas. Sin oahpaheaddjit ja bajásgeassit sáhttet geavahit bálvalusa.

Masa materiála oažžu geavahit?

Oahpahussii, mii lea mánáide ja sin bajásgeassiide nuvttá.

Materiála ii oaččo geavahit gávppálaš oktavuođain dahje máksinláhkái dilálašvuođain ja skuvlejumiin.  

Buotlágan gávppálaš ávkkástallan bálvalusa sisttisdoallan materiálaiguin lea oalát gildojuvvon. Oahppamateriálaid ja bálvalusas almmustahttojuvvon dujiid ii oaččo geavahit máksinláhkái oahpahusas dahje gávppálaš ulbmiliidda.

Lassedieđut

Buot bálvalusa videomateriála lea dárkkistuvvon ovddalgihtii ja merkejuvvon ahkerájiiguin.

Oahppamateriála nuvttá fidnema dahket vejolažžan AV-arkki mediabajásgeassinprošeavttat, maid dorjot earret eará oahpahus- ja kulturministeriija, Uusimaa dáiddadoaibmagoddi, Jenny ja Antti Wihuri ruhtarádju ja Svenska Kulturfonden. 

Dáiddáriidda máksojuvvojit čájehanbuhtadusat prošektii mieđihuvvon doarjagiin.

Duojit ja hárjehusat

Jukka Silokunnas: Elinkaara (2011, 01:20)

Minna Suoniemi: Ruksesgahpir ja gumpe (“Punahilkka ja susi”) (2012, 01:33)

Risto-Pekka Blom: Mii gullo (“Mitä kuuluu”) (2010, 3:19)

Anssi Kasitonni: Masa (2009, 10:49)

Marja Helander: Dolastallat (“Tulistella”) (2016, 5:48)

Oppimateriaaliin liittyvät elokuvat