Mitä kuuluu?
Risto-Pekka Blom: Mii gullo (“Mitä kuuluu”) | 2010 | guhkkodat 3:19 | S
Duoji birra:
Risto Pekka Bloma duojis rávis almmái geahččá kámerai ja čierru. Muhto mot? Nu, ahte son orru uhca njuoratmánážin. Jietna ja govva leat bavssasynkroniserejuvvon, muhto muđui dilli váikkuha eahpeduohtan. Nubbi scenas seammá almmái boagusta ja orru ain njuoratmánážin. Duodji hápmašuvvá máŋggain váldimiin, main buohkain lea seammá ruossalašvuohta. Vuosttaš čieras vel boagustahttá, muhto gulu dat dahket geahčči duođalažžan. Njuoratmánáid čierrasat orrot duohtan ja daid nektet nu bures, ahte heahti sáhttá njáhkat geahčči milliige muhtin bottožii. Duoji loahppabealli lea goittotge jo ilolaš skužisteapmi.
Dáiddára válddahallan duoji birra: Duodji ovttastahttá njuoratmánáža čirrolas ja ilolaš jienaid govvii, mas rávis albmát ja nissonat nektet njuoratmáná jietnademiid ja daidda laktáseaddji dovdodiliid. Videoduodji gieđahallá humoristtalaš vugiin min dárbbu dohkkehuvvot, oažžut ráhkisvuođa ja leat lihkolaš.
Prošeakta: Gova ja jiena ruossalasvuohta
Govve ja bádde materiála, mas vuolggasadjin lea vuostegežiiguin stoagadeapmi: ollesolmmoš–vávvá, olmmoš–ealli, dorvvolaš–balddihahtti, uhcci–stuoris, njoahci–johtil, geahpas–lossat ja nu ain. Govva sáhttá laktásit vuostegeahčepára nubbi oassebeallái ja jietna nubbái.
Don sáhtát geavahit govvemis máŋggaid govvaráddjemiid viiddis oppalašgovas ain čavga lagašgovvii. Smiehta maiddái perspektiivvaid govvedettiinat.
Editerenprográmmas sáhtát čuohppat jiena ja gova nu, ahte dat boatkanit seammá sajiin dahje áibbas sierra. Prográmmain lea vejolaš dahkat jitnii ja govvii máŋggalágan nuppástusaid, maid sáhttá geahččalit dán hárjehusas. Buot eanemus geavahuvvon effeavttat leat njoahcudeapmi ja jođálmahttin. Don sáhtát maiddái geahččalit, mo jietna orru go čuojahat dan ruovttoguvlui.
Fuom! Dábálaččat jienain gánneha bargat dego duojis Mii gullo: álggus jienat álget vehá ovdal gova ja loahpas gullojit vel bottoža dan maŋŋá, go govva lea jo jávkan. Iešguđet prográmmain leat iešguđetlágan vejolašvuođat bargat jienain, muhto eanáš editerenprográmmain lea vejolaš hálddašit goittotge jiena allodaga ja bidjat dan skádjat. Buot jietnafiillaide, nu maid neahtas vižžojuvvon jienaide, sáhttá lasihit effeavttaid. Seammá jitnii sáhttá laktit máŋgga effeavtta. Jienaid sáhttá bidjat maiddái badjelágaid ja jávkkahahttit loamalágaid, ja daid sáhttá stuoridit dahje jávohuhttit ceahkkálagaid.
