Punahilkka ja Susi
Minna Suoniemi: Ruksesgahpir ja gumpe (“Punahilkka ja susi”) | 2012 | guhkkodat 01:33 | K7
Duoji birra: Dáiddára válddahallan duoji birra: Čáhppadiin gárvodan unna nieiddaš čuožžu meahccerájis ja harrá. Njoahcudeapmi dahká jienas stuorra ealli haraideami. Nieiddažis deaivvadeaba Ruksesgahpir ja gumpe.
Duodji lea govvejuvvon ovttain váldimiin ja govvaráddjemiin. Jietna lea báddejuvvon seammá oktavuođas, muhto dat lea maŋálgihtii nuppástuhtton dihtoriin njoazibun ja vuollegabbon. Šaddá miellagovva, ahte nieiddažis lea juoga duođai vilddas ja boraspire lágan – dahje juoga, mii dagaha stuorra áŧestusa.
Prošeakta: Ovdanbuktin kámerai
Ráhkat oanehis video, mas kámera bissu sajistis. Duodji sáhttá leat dušše okta govvaváldin, ja dalle gova ii dárbbaš čuohppat ollenge. Ovttastahte jiena govain. Dása ii dárbbaš eará go videokámera (dahje telefovnna), juos dagat jienaid govvii jo govvema olis.
Hárjehusas oažžu goittotge eambbo, juos lea vejolaš geavahit dihtora ja ovttastahttit jienaid govain maŋálgihtii. Stuorámus oassi jienain dahkkojit lihkadeaddji govvii maŋálgihtii. Máŋgii govvema olis báddejit dušše vuorrosániid, ja eará jienaid ovttastahttet govain maŋŋá.
Jienaid sáhttá báddet maŋálgihtii kámera iežas mikrofovnnain ja luđet fiillaid dihtorii gova haga. Juos dus lea geavahusas kámerai heivejeaddji sierra mikrofovdna, geavat dan. Dalle jienas lea dábálaččat buoret kvalitehta.
Jienaid gávdná maiddái dihtora jietnavuorkkás. Bláđe čađa dan fállan vejolašvuođaid dahje viečča nuvttá jietnaeffeavttaid ovdamearkka dihte siiddus https://freesound.org/people/YleArkisto/ Don sáhtát ohcat jienaid maiddái neahtas vaikkeba ohcansániiguin “ääniefektit ilmainen” (suomagillii). Eaŋgalasgielat ohcansániiguin (“sound effects”) oaččot eambbo molssaeavttuid go suomagillii. Juos lasihat ohcamii sániid “royalty free”, gávnnat dahkkivuoigatvuođaid beales friddja jienaid. Fuom! Dahkkivuoigatvuođat hálddašit dujiid čájeheami skuvllain. Skuvlamáilmmi guoski dahkkivuoigatvuođaid birra oažžu lassedieđuid siiddus www.kopiraitti.fi.
