Masa
Anssi Kasitonni: Masa | 2009 | pištem 10:49 | S
Tyeje pirrâ: Taidâr valdâlem tyejeest: Faŋgâlpatâremmaainâs, mii ovtâstit animaatio, kietânukkečaittâlem já čaittâleijeepargo. Paldâlâs maailmeh já mittokaavah peškitteh oohtân, ko rijjâvuođâ ucâleijee Masa-marsu já ton omâsteijee olášuttev kuábáš-uv jieijâs suunâttâlmijd. Teknisávt viehâ čepis já kreativlâš marsu valmâštâl jieijâs piäjust maaŋgâmohásijd patâremsuunâttâlmijd, maid marsu omâsteijee rähisteijee huolâttem taha ain tuššen. Elleekove siskeeld eereeb iärrás elektrovnlijd eromâšpiergâsijd, teehij styeredem, Steve McQueen já marsukielâlijd monoloogijd.
Proojeekt: Jieijâd fiktiivlâš uánihisfilmâ
Keejâ Anssi Kasitonni elleekove Masa. Smietâ, mast elleekove muštâl. Mii lii ton viestâ já magarijd tobdoid tot paajeed? Keejâ fiilmâ uđđâsist já analysist, maht tyeje jienah láá rahtum. Kuldâl, moin elementijn jienâpäddi hámášuvá. Maht jienah láá čuoppum?
Puávtáh meiddei tarkkuustâllâđ elleekove eres muštâlem taasijd, jis halijdah. Maht maainâs lii čallum? Maht tot lii kovvejum? Magarijd kuvvimsuundijd já koveraijimijd tast kevttih? Maht kove lii čuoppum? Puoh muštâlemtaasijd ij pyevti analysistiđ siämmáá ääigi, nuuvt ete lii pyeri väldiđ tarkkuustâlmân oovtâ ääši häävild. Elleekove jieškote-uv uásitahhei analysistem lii ohtâ pyeremus vuovijn oppâđ rähtiđ elleekove! Tastoo puávtáh vuávááškyettiđ jieijâd fiktiivlii elleekove.
