Anna joen virrata. 2023 ©MerFIlm

Gažaldagat ohppiide 

• Manin Álaheaieanu háliidedje dulvadit ja mat čuovvumušat das ledje sápmelaččaide?  
• Geat vuostálaste eanu dulvadeami ja manin?  
• Guđelágan birrasa ja luondduriggodagaid geavaheapmái laktáseaddji riiddut ja proteasttat leat dán beaivve?  
• Oza ovdamearkkaid dán beaivvi riidduin, main eamiálbmogiid vuoigatvuođat čatnasit birassuodjaleapmái ja luondduriggodagaid geavaheapmái. 

• Filmma váldopersovdna Ester mátkkošta ovttas eará sámeaktivisttaiguin Osloi čájehit miela ja álggahit nealgudanstreaikka Álaheaieanu dulvadeami vuostálastima dihte. Guovva-njukčamánus 2023 filmma neavttárat Ella Marie Hætta Isaksen ja Beaska Niillas oassálasttiiga Oslos miellačájeheapmái, maid leat veardidan Álaheaju miellačájehemiide. Mas lei sáhka? Oza dieđuid ođđasiin ja Instagramas fáddágilkoriiguin: #čsv, #RivVindturbinenePåFosen #BaajhVaerideÅrrodh, #EllosSápmi 
• Maid assimileren ja kolonialisma mearkkašit sápmelaččaid dáfus?  
• Sihke Suomas, Ruoŧas ja Norggas leat jođus duohtavuohta- ja soabadankommišuvnnat. Mas kommišuvnnain lea sáhka ja mo dat laktásit filmma fáttáide? 

Duogášdieđut 

Assimilašuvdna dahjege bákkosuddadeapmi mearkkaša sápmelaš identitehta rievdama norgalaš, ruoŧŧelaš, suopmelaš dahje ruoššalaš identitehtan bákku dihte. Juohke sápmelaš buolva lea manahan eatnamiiddis ja gártan dáistalit kultuvrras ovdii. Juohke sápmelaš buolvvas ja Sámi guovllus lea iežas vásáhus assimilašuvnnas, iežas eatnamiid, gielaid ja kultuvrra manaheamis. Stáhtaid assimilerenpolitihkka sihke historjjás ja dálááiggis lea dagahan sámi servodahkii buolvvaidrasttildeaddji traumaid. (Vastatuuleen 2019, S&S) 

Kolonialisma mearkkaša dábálaččat dili, mas stáhta hálddaša guovllu iežas rájáid olggobealde. Kolonialisman sáhttá gohčodit maiddái guovtti álbmoga gaskasaš eahpesymmetralaš dili, nu mo ovdamearkka dihte sápmelaččaid eatnamiid sirdašuvvama stáhtaid háldui ja sápmelaččaid servodatstruktuvrraid molsuma norgalaš, ruoŧŧelaš, suopmelaš dahje ruoššalaš struktuvran ja sápmelaš eallinvuogi, kultuvrra, giela ja miela bákkosuddadeami váldekultuvrii.  

Suomas lea jođus duohtavuohta- ja soabadankommišuvdna, Norggas bargu lea jo loahppamuttus ja Ruoŧas válmmaštallet kommišuvnna. Duohtavuohta- ja soabadankommišuvnnas lea gažaldat sihke vássánáiggi boasttodaguid ja otná beaivvi vuoigatvuođarihkkumiid čielggadeamis. Máŋggaid válddi boasttogeavahemiid dihte sápmelaččain lea čiekŋalis eahpeluohttámuš stáhta guovdu. Dehálaš lea, ahte stáhta ja olles servodat čatnasit vahátlaš struktuvrraid divvumii, vai soabadeapmi livččii vejolaš.  

Lassediehtu 

• Aslak Holmberg: Suomen 100 vuotta itsenäistä kolonialismia (Suoma 100 jagi iehčanas kolonialisma), YouTube 

• Amnesty ávžžuhus: Yli 500 päivää piinaa – saamelaiset kamppailevat olemassaolonsa puolesta Norjassa (Badjel 500 beaivvi biidnu – sápmelaččat dáistalit eksisteanssaset ovdii) 
• Sámediggi 2.3.2023 Ságajođiheaddji Juuso: ”Norgga stáhta galgá gudnejahttit eamiálbmotvuoigatvuođaid” 
• Yle 2.3.2023 Mielenosoitukset Oslossa jatkuneet jo viikon – poliisi ottanut tänään kiinni useita (Miellačájáhus Oslos joatkašuvvan juo vahku – poliisa lea váldán gitta otne máŋga miellačájeheaddji) 
• Yle 28.2.2023 Saamelaisnuoret osoittavat mieltään tuulivoimaloita vastaan Oslossa, koska Norja ei ole noudattanut korkeimman oikeuden päätöstä (Sámenuorat čájehit miela bieggamilluid vuostá Oslos, daningo Norga ii leat čuovvulan alimus rievtti mearrádusa) 
• Instagram konttot sápmelaččaid miellačájehemiin: @nsr_Nuorat, @suomasaminuorat, @ellamariehi, @beaskaniillas, @petralaiti 

• Yle 17.11.2022 Eduskuntatalon eteen kokoontui satoja ihmisiä mielenosoitukseen saamelaisten oikeuksien puolesta: “Syvästi turhautuneelta tuntuu olla taas näillä rappusilla” (Riikkabeaidálu ovdii čoahkkanedje čuđiid mielde olbmot miellačájáhussii sápmelaččaid vuoigatvuođaid bealis: “Hui duššastuhtti leat fas dáppe dáid tráhpaid nalde”) 
• Kansan Uutiset 16.9.2018 ”Jos meidän maa viedään meiltä, ei meitäkään enää ole” (Jos min eana rivvejuvvo mis, de miige eat šat leat) 
• Greenpeace 7.9.2018: Eennâm lii eellim! Maa on elämää 
• Yle 24.9.20217 Saamelaisnuoret perustivat kapinasaaren, jossa ei Suomen ja Norjan sana määrää – “Olemme valmiita menemään niin pitkälle kuin mahdollista” (Sámenuorat vuođđudedje moratoriasullo, gos ii Suoma iige Norgga sátni mearrit – “Mii leat gergosat mannat nu guhkás jo vejolaš”) 
• Duohtavuohta ja soabadankommišuvdna Suomas: sdtsk.fi 

• Helga West 4.6.2020: Saamelaisten totuus- ja sovintokomission mandaatti pitää sisällään hälytysmerkkejä, joihin on viimeinen hetki herätä (Sápmelaččaid duohtavuohta- ja soabadankommišuvnna mandáhtta sisttisdoallá várrasignálaid, maidda ferte dál reageret)